মাতৃত্বৰ ইটো সিটো!(কণমাণিজনীৰ সৰু-সৰু কথাবোৰ)

#অঘাইটং চিৰিজ

সৰুছোৱালীজনিক কোনোবাই দিয়া বিশ টকা মোৰ তাত আছিল। মোৰ খুচুৰা নথকাত ক'ৰবাত খৰচ কৰিলোঁ। সিদিনা মোক চিপচ খুজি নাপাই কৈছে মোৰ ২০টকাটো দিয়া। তেতিয়াও মই ভাত খোৱাৰ আগত চিপচ খোৱা বন্ধ কৰিবলৈ খুচুৰা নাই বুলি কৈ থ'লোঁ।কন্দা-কটা কৰোঁতে বায়েকে তাইক ধমক দিলে "কিনো মাক পইছা খুজি থাকা" বুলি।
তাই লাজতে ক'লে "হ'ব দিয়া নালাগে, সেইটো তোমাক দিছোঁ দেই!(লেনিয়াই)"

গ'ল কথা গুছিল। ময়ো পাহৰিলোঁ। এদিন দেওবাৰে দুপৰীয়া আৰ্ট স্কুলৰ পৰা আনি থাকোঁতে আকৌ চিপচ খুজিলত ঘৰত ভাত নাখাব বুলি নিদোঁ বুলি কলোঁ।

তাই কৈছে " তেনেহ'লে মোৰ ২০ টকাতো দিবা, মই তাৰে চিপচ কিনিম।"

মই কলোঁ "ইমান টকা স্কুলত ফিজ দি আহিলোঁ এইমাত্ৰ , তুমি মোক ২০ টকা একেবাৰে দি দিব নোৱাৰা নে?"

নৰম সুৰত " দিমতো! সেই ২০ টকা তোমাক দিলোয়েই....আজি আৰু ২০ টকা দিম তোমাক! তুমি মোক ৫০ টকা দিবা, তাৰে ৩০ টকাৰে মই চিপচ কিনিম বাকী ২০ টকা তোমাক দিম হ'ব (লেনিয়াই)?

এইহে যদি মোক একঠা খুৱাই ডাঙৰ হৈ!! :D

                                                       ************************************:D

****************আজি পুৱা (3/12/2016)

-মা টিভি চাওঁ অকণ?
-পঢ়াগৈ যোৱা, পৰীক্ষা আহিছে
-মন নাই পঢ়িবলৈ
-টিভি চাব নোৱাৰা মুঠতে পঢ়াৰ সময়ত
-নপঢ়োঁও ..টিভিও নাচাও যোৱা
-মই গধুলি টেষ্ট লম
- লৈ থাকিবা.. উল্টা-পুল্টা লিখি দিম !

😂 

                                                       ****************************************

এইকেইদিন পুৰণা নোট বন্ধ হোৱাৰ পৰা ছোৱালীহঁতৰ বৰ আপত্তি। কিবা খুজিলেই মোৰ ক'বলৈ ভাল হৈছে "খুচুৰা নাই" বা "পইছা নাই"।

এদিন ডাঙৰ ছোৱালীৰ আপত্তি

: কিয়নো নোটবোৰ বন্ধ কৰি দিব লাগে

মই: হব দিয়াছোন..দুদিনমান চকলেট নাখালে একো নহয়..বহুত ভাল হৈছে নোটবোৰ বন্ধ কৰি দিয়াই..কিছুমান মানুহে বেয়া কাম কৰি পইছা ইনকাম কৰে। আমি যি ইনকাম কৰোঁ তাৰ ওপৰত চৰকাৰক এটা টেক্স দিব লাগে। বেংকত থ'লে চৰকাৰে গম পাই যায় কাৰণে টেক্স দিব লাগে বুলি বেয়া কাম কৰা মানুহবোৰে ঘৰৰ ফুলৰ টাবত, গাৰুৰ ভিতৰত আদি বেলেগ বেলেগ জেগাত পইচা লুকুৱাই...

অঘাইটং: জানো জানো...এইটো ষ্টৰী মই ড'ৰেমনত চাইছো। নবিতাৰ পাপাকে মাকৰ পৰা পইছা লুকুৱাই.. বুকৰ মাজত পইছা থ'লে মাকৰ বুক পঢ়িব মন যায়। বুকৰ পৰা পইছাটো উলিয়াই পেইন্টিঙৰ পিছফালে থ'য় নবিতাৰ মাকে আকৌ পেইন্টিংখন চাফা কৰিবলৈ ওলায়। মুঠতে নবিতাৰ পাপাকে মাকৰ পৰা ক'ত্তো পইছা থ'ব নোৱাৰে.....!!!(21/11/2016)

                                                        ********************************************* 

বেগটো স্কুলৰ লবীৰ বেঞ্চত থৈ মানুহ নাই.. বায়েকে বিচাৰি আনিলগৈ।

:টইলেট গৈছিলোঁ
:ইস্. ইমান দেৰি লাগে টইলেটত?
:নহয়, আমাৰ ক্লাছৰ ভাইচ মনিটৰৰ মূৰত কোনোবাই বল মাৰিছে,মোক অকণ হেল্প কৰিব দিছিল...
:কি হেল্প কৰিলানো?
:নাই জাষ্ট সুধিলো কোনে বলটো মাৰিলে... ডাঙৰ ডাঙৰ ল'ৰা, গালি দিব নোৱাৰি 

😁😁**************😁**

:D( :D

                                                          ********************************************* 

যোৱাকালি গধুলি বাইদেউৰ ঘৰলৈ গৈ থাকোতে

: মা, আমি জেঠাইৰ ঘৰলৈ আহিলে ইমান কম কিয় খাবলৈ দিয়ে? ..যিয়েই নিদিয়ক খোৱাৰ পাছতো ভোক লাগিয়েই থাকে..

:নাপায় নহয় তেনেকৈ ক'বলৈ, ইমান বস্তু দিয়ে খাবলৈ তোমালোকক..তোমালোকেহে নোখোৱা? ঘৰত যি থাকে চব দিয়েছোন..

: দিয়ে... but.. লুচি ভাজি, চিকেন ফ্ৰাই, চাউ চাউ এইবোৰ আমি ভাল নাপাওঁ..

:আৰু কি দিব খাবলৈ গধুলিখন? (মোৰ খং উঠিছিল অকণ)

:কাৰ্লি কাৰ্লি মেগী নিদিলে ভোকটোেয়েই নমৰে কিবা.. ন মিমিবা? (7/11/2016)

                                                           **********************************************

#অঘাইটং

স্কুলৰ পৰা আহিয়েই কাজিয়া কোনে আগে গা ধুব। সেইটো ঠিক হোৱাৰ পাছত ভাত খোৱাৰ টেবুলত কাজিয়া। মই বোলো তহঁত স্কুলত থকাই ভাল। ইমান অশান্তি !

:বায়ে মোক 'অমুক' বুলি কৈছে
:কি হ'ল তাতে? ক'লেই তই "অমুক" হৈ গ"লি নে?
:কিয় ক'বনো?.... ভেঁ...এ এ এ এঁ..
:ইগন'ৰ ক'ৰ
:(কন্দা বন্ধ কৰি) ইগন'ৰ কেনেকৈ কৰে?

: সেই যে বাহিৰত চৰাইটোৱে চিঞৰি আছে, তথাপি তুমি নুশুনাৰ ভাও ধৰি নিজৰ মতে আছানে নাই?

:কিন্ত্ত বায়ে, "কা কা" কৰা নাই ন? অসমীয়াত কথা কৈ আছে? মই "কা কা" বুজি নাপাওঁ, বাট বা'ৰ কথা বুজি পাওঁ...
ভেঁ... continued

.. 😇😇😒😒88

                                                ************************************************

গাটো বেয়া। অকণ শুবলৈ লৈ মুগ্ধাক মাতি ক'লো
মই শুম অকণ, চিঞৰ-বাখৰ নকৰিবাঁ।
: অ কে নকৰোঁ, খালী কীবোৰ্ড(খেলনা) লৈ গান গাই থাকিম
:নালাগে, মোৰ গা বেয়া লাগিছে। গানো গাব নালাগে।
:গা বেয়া লাগিছে? ৰ'বা জ্বৰটো চাই দিওঁ ..থাৰ্মোমিটাৰডাল ক'ত বুলি যেনেকৈ দৰৱৰ বেগটো খুচৰিবলৈ ধৰিলে মই বোলো যা
"গানকে গা গৈ"

    

                                             *************************************************

কাষৰ ৰুমৰ পৰা,

:মা মুগ্ধাই কটাৰী লৈছে

মই: মুগ্ধা হাত কাটিব, থৈ দিয়া

:অ থৈ দিয়া হাত কাটিলে মানুহ মৰি যায়.. দেখা নাই টিভিত?.. অ মা লৈয়ে আছে

মই: মুগ্ধা, থোৱা কটাৰী, হাত কাটিব

:মুগ্ধা হাত কাটিলে বেজীও ল'ব লাগিব কিন্তু

:হয়?? অ কে থৈ দিলোঁ
.
😂

                                                        **********************************************

আজি Dangal চাব গলোঁ.. (ইমান দেৰিকৈ চোৱাৰ বাবে নাহাঁহিব| মিলাব পৰা নাছিলোঁ ) চাই আহি থাকোতে দুইজনীকে বুজালোঁ "সফল হোৱাৰ আগৰ সময়খিনি বহুত কষ্টকৰ। সফল হোৱাৰ পাছত জীৱনটো বৰ সুখ আৰু আৰামদায়ক আৰু মাক দেউতাকৰ সমান পৃথিৱীত কোনো হ'ব নোৱাৰে।"

আহি "ৱাৰ ৱমেমৰিয়েল"ত সোমালোঁ। অলপ চলপ চাই মুগ্ধাই ক'লে
-মা আমাৰ স্পৰ্টচ ডে' আহি আছে, মই অকণমান দৌৰাৰ প্ৰেক্টিচ কৰোঁ ইয়াতে।
মই বোলো নালাগে দেই আন্ধাৰ হৈছে, পৰিবা ক'ৰবাত!

-হ'ব নকৰোঁ। পাছত প্ৰাইজ নাপালে মোৰ দোষ নাই!! 

                                                       **********************************************

#অঘাইটং
বায়েক: তোৰ নামটো যে কি ৰাখিলে.. তাতকৈ ধুতি বা গন্তু ৰাখিলেই ভাল আছিল
:মা, চোৱানা..কেনেকৈ কৈ থাকে সদায়
বায়েক: হাঁহি
:অ মা মুগ্ধা মানে কি নো? মোৰ নাম যে মুগ্ধা ৰাখিলা?
:মুগ্ধা মানে..উম ম.. ধৰা তুমি গান এটা শুনি আছা আৰু শুনি ইমান ভাল পাইছা যে তুমি গানটোৰ বাহিৰে চব পাহৰি গৈছা.. সেই যে তুমি ভাল পাই মনপুতি শুনি আছা তাকেই মুগ্ধ হোৱা বুলি কয়..আৰু তুমি যে ছোৱালী সেইকাৰণে তোমাৰ নাম মুগ্ধা
:আচ্ছা.. হেপ্পী হোৱাটোকে মুগ্ধ বুলি কয়..
: ঠিক তেনেকুৱাই আৰূ
:আচ্ছা মা..মোৰ যে ফ্ৰেণ্ড আছে মুস্কান.. মুস্কান নামৰ মিনিং কি
:মুস্কান মানে স্মাইল কৰা, হাঁহি ..মিচিকিয়া হাঁহি.
:অ হয় নেকি? মই আকৌ ভাবিছিলোঁ ডাড়ি যে মোচ আৰু কাণ যে আমি শুনো, সেয়া মানে মুস্কান..ধেৎ তেৰি !!

[অঘাইটঙৰ বয়স চাৰে সাত বছৰ]

                                          *************************************************

😂

*************************************